Lanestosa hiribilduak badu zer eskaini gure udalerria ezagutzera animatzen den guztiari. Bere kokapen geografiko pribilegiatua, natura zein estrategia aldetik begiratuta, eta bere historia aberatsa dira bisitaria harrituko duen eskaintza turistikoaren oinarrizko osagaiak. Aurkitzeko eta gomendatzeko lekua da.
Udalak hiribildua ezagutzen era erraz eta entretenigarrian lagunduko duen gida oso bat eskaini nahi izan du. Horretarako, Lanestosak bere 1,25 km koadrotan gorderik duen guztia ezagutzea ahalbideratuko duten hiru ibilbide turistiko prestatu ditugu. Hau da gure ondarerik onena, denboran zehar zaintzen jakin izan duguna eta gaur harrotasunez erakusten dizuguna.
Aukera ezazu interesgarrien duzun ibilbidea eta goza itzazu egonaldia zein lanestosarrek beti egiten duten harrera atsegina.
Lanestosak Erdi Aroko hirigunea denboran zehar bere horretan mantentzea lortu du. Bere hiri-sareko kaleska estuak bide zuzen gisa diseinatu ziren eta zati gehienak harriz eginak daude. Horietan oraindik dira elkarren ondoan XVII. eta XVIII. mendeetako errege-jauregiak eta balkoi luze ikusgarriak dituzten herritar xumeen etxeak.
TURISMO AKTIBOA
Lanestosak bereizgarririk badu, turismo aktiboan aritzeko paradisua izatea da. Denboran zehar mantendu duen inguruak bildua, natura, fauna eta landaredia dira bere protagonista nagusiak.
JAIAK ETA OHITURAK
Dantzariek eta udal segizioak laguntzen dute goizean amabirjina prozesioan frontoiraino,eta arratsaldean berriz irteten dira atez ate eskean, dantzan eta bizilagunei goraka.
TURISMO ZERBITZUAK
Lanestosan, paseatzeko eta kirola egiteko denboraz gain, hango tabernez eta jatekoez gozatzeko denbora ere atera daiteke. Udako egunetan, udal igerilekua dugu freskatu ahal izateko.
KOBENKOBA
Kobenkoba gizakiak bere lehen kezka artistikoak adierazi zituen inguru berean, kobazulo batean, kokatuta dagoen Europako Paleolitoko labar-artearen lehen interpretazio zentroa da.
BURDINMENDI
Lanestosako Udalak, beste udal eta babesle batzuekin batera, hezkuntza-parke horren egitasmoa bultzatu du. Parkearen helburua Bizkaian mendebalderen dagoen eskualdeko kultur tradizioak ezagutaraztea da. Izan ere, historia, tradizio eta natura ingurune aberastasun harrigarriak ditu lur honek, baina oso ezezagunak.
TURISMOA LANESTOSATIK ABIATUTA
Lanestosa toki pribilegiatuan dago, ordu erdi baino gutxiago beharko genuke Kantauriko uretan bainatu ahal izateko, haran ikaragarriak ikusteko eta hainbat jardueraz gozatzeko txikienekin. Toki liluragarria inguruaz gozatzeko.
E-mail hau spam roboten kontra babestuta dago. JavaScript aktibatuta izatea behar duzu hau ikusteko.
606 808 018
606 700 207
