Establezimendu hau Mirabueno Plaza politean dago. Terraza handia dauka eta erraza da inguruan aparkatzea. Gazte, musika eta lasaitasun giroa da nagusi. Topagunea da, eta asteburuetan pintxo, zati, ogitarteko, hanburgesa eta sandwich ugariak dasta daitezke, eta raba gozoak ere ez dira ahaztekoak.Zerbitzu turistikoak
OSTATUAK
Udal aterpetxea udalerriaren erdigunean dago, natur ingurune paregabean, Lanestosako sarbideetatik hurbil, igerilekuen alboan eta udalerria zeharkatzen duen errekak inguratuta.
Oregi etxean taberna eta jatetxea ere badaude, baina horien funtzionamendua ez dago aterpetxearen mende. Enkarterriko ohiko baserria da, harriz eta egurrez egina eta guztiz eraberritua. Hiru solairu zabal ditu igogailu baten bidez lotuta, eta aparkatzeko eremu handia dago.
Beheko solairuan jatetxea eta taberna daude, eta lehenengoan lau logela bikoitz eta minusbaliatuentzat egokitutako beste logela bat. Goiko solairuan 32 ohatze eta komunak daude, Lanestosara hurbiltzen diren pertsonen artean partekatzeko.
Casa Oregui - Negrete, 47
LANESTOSA - (BIZKAIA)
Tel. 654 94 14 57
TABERNAS
- Establezimendu hau Mirabueno Plaza politean dago. Terraza handia dauka eta erraza da inguruan aparkatzea. Gazte, musika eta lasaitasun giroa da nagusi. Topagunea da, eta asteburuetan pintxo, zati, ogitarteko, hanburgesa eta sandwich ugariak dasta daitezke, eta raba gozoak ere ez dira ahaztekoak.
Lanestosako herrigunean bertan dago, Plaza Zaharrean, eta 100 urte baino gehiagoko historia du. Gure bodegan lokala bezain zaharrak diren likore botilak ditugu. Halaber, bezeroei inguruetako kaferik hoberena eskaintzen diegu, 50 urte baino gehiago dituen kafe-errota erabiltzen baitugu. Goizero-goizero, gure barra inoiz dastatu duzun tortilla pintxo hoberenekin apaintzen dugu, eta hauxe da garrantzitsuena: ez zara inoiz gose ez egarri irtengo, eta beti irtengo zara kontent.
Real kalean dago, 4. zenbakian.
Julián Presa Fernández Plazan dago, 6. zenbakian.
UDAL IGERILEKUAK
Denboraldia: ekainaren 15etik irailaren 15era bitartean. Ordutegia: 11:30etik 19:30era bitartean.
RÍO CALERA JOLAS GUNEA
Jolas instalazioak itxura atsegineko esparru txukunean daude. Horren inguruan udaletxea dago, bai eta eskolak, pilotalekua eta Calera ibaia ere, guneari izena eman diona.
PUENTE DEL FOSCO JOLAS GUNEA
Udalak orain dela gutxi egokitu zuen jolas gune hau. Calera ibaitik gertu dago, ur-jauzi eder baten ondoan eta Puente del Fosco izenekin ezagutzen den tokiaren parean.
Oso leku atsegina da atseden hartzeko ibaiari begira, eta zurezko banku eta mahaiak ere badaude. Halaber, barbakoak egiteko parrillak daude, eta kirola egin nahi duen orok erabil ditzakeen gimnasia aparailuak ere bai.
